Amandla engqondo
Khetha okuphilisayo
Ukusebenza kokuvikeleka kwengqondo yakho.
Ezinye izindlela zokuziphatha zingalimaza impilo yengqondo yakho, ikakhulukazi ngokuhamba kwesikhathi. Icabange ingqondo yakho njengento enobucayi. Ngokugwema izinto eziyingozi ukhethe eziphilisayo, uyayivikela engozini ukuze isebenze kahle iminyaka eminingi ezayo. Indlela yokuphila enempilo egwema ukuzisondeza ebuthini nayo inomthelela ekuphileni kahle kwengqondo ngokujwayelekile nasekuphathekeni kahle.
Kuzwakala sengathi…
Ngumehluko phakathi kokugcina injini ihlanzekile uma uqhathanisa nokuyiyekela igcwale ukungcola.
Kungani kukulungele
- Kunciphisa ingozi yokulimala ngokwengqondo
- Kwenza uzizwe ukhululekile emphefumulweni nasemicabangweni
- Kunciphisa ingozi yamahlalakhona
Bewazi nje?
Kuyelekelela kanje ingqondo
- Ukugwema ubuthi kuvikela amangqamuzana obuchopho ekulimaleni, kunciphise namathuba okuhanjelwa yingqondo nokuhlatshwa yizifo eziwakhinyabezayo, njenge-Alzheimer’s neParkinson’s.
- Ukunciphisa ngasezintweni ezinobungozi kuyakhululana emphefumulweni, kunciphise ingcindezi, kubengcono ukucabanga, ukukhumbula, ukufunda nokuqaphela.
- Ukunciphisa ngasezintweni ezinobungozi kwelekelela ukulala kangcono nokuphatheka kahle nje, nakho okunomthelela omuhle empilweni yengqondo.
Zama lokhu
Amathiphu amathathu ashaya khona okukwenza ukhethe okuphilisa kangcono
- Qinisa ekwazini ukuzithiba ngokuba nsuku zonke ucabange ngezinto ezifana nokudonsa umoya kakhulu uma uphefumula noma uzindle. Zibekele imigomo ecacile yokugwema izilingo, njengokuzinqumela ukuthi uzothola into eyodwa emnandi kanye kuphela ngeviki. Zama ukusebenzisa ama-app okuzindla ukuze uqale ukwenza nawe.
- Nciphisa utshwala nokusebenzisa izidakamizwa, endaweni yako ulandele imikhuba enempilo, njengokuphuza amanzi anongiwe noma uzame izithako ezifana nezinotshwala kodwa ezingenabo – lokhu kuzosiza ukuvikela impilo yengqondo yakho.
- Yeseka ukwelulama kwengqondo nokugxila komqondo – yidla ukudla okunezilinganiso ezifanele okunezithelo, imifino, amafutha anempilo; nyakazisa umzimba imizuzu engu 30 ngosuku (njengokwelula izinyawo, i-yoga), thola 7-9 wamahora okulala ngalobo nalobo busuku, vama ukuxhumana nabathandiweyo bakho, uzikhulule emphefumulweni ngokuchitha isikhathi ekukhanyeni kwemvelo njalo ekuseni.
Iphonsele inselele ingqondo yakho