Ixhala
Uma ukukhathazeka kungapheli.
Ukuba nexhala akugcini nje ngokuzizwa unovalo; yindlela umzimba wakho ozwela ngayo ezinsongweni noma ukucindezeleka okungenzeka kungabi kukhulu njengoba kubonakala. Nakuba ixhala elingatheni lingakusiza ukuba uhlale uqwashile, uma lingasapheli, lingayigwinya impilo yakho ligxambukele kuyo yonke into kusukela ebudlelwaneni kuya empumelelweni ngokomsebenzi.
Kuzwakala sengathi…
Uhlale umincile, ulindele ukuthi kubekhona okungahambi kahle.
Noma kungekho lutho oluphuthumayo okumele uzikhathaze ngalo, umqondo wakho uyagijima. Into encane ekukhathazayo iphenduka isishingishane semicabango.
Uzizwa ungenalo uzinzo, uthuthumela noma ngesinye isikhathi uze ugule emzimbeni ngenxa yesisindo semicabango yakho.
Indlela Ixhala eliyithinta ngayo ingqondo yakho
“Isikhungo esilawula” ingqondo siyanyinyitheka
Kunzima ukugxila, Ukwenqena Ukuthatha Izinqumo
I-Prefrontal Cortex yakho iyindawo yobuchopho esiza ukulawula imizwa nokwenza izinqumo. Uma ixakwe yixhala, kunzima ukugxilisa umqondo, ucabanga kaluvindi uthathe nezinqumo ezingaphusile.
“Uhlelo lokwexwayisa’’ lwengqondo lusebenza ngokweqile.
Uhlale uqaphe kakhulu
“Uhlelo lokwexwayisa’’ lwengqondo (I-Amygdala) luba nokuzwela kakhulu, okwenza izinto ezincane zibonakale njengobungozi obukhulu. Lokhu kufaka umuzwa wokuhlala wesaba futhi unexhala, noma kungekho ngozi empeleni.
Ukuphazamiseka kwamakhemikhali obuchopho
Ukuba neconsi nezinto zihlale zishubile
Ingcindezi ithinta isilinganiselo samakhemikhali obuchopho, okuholela ekuguquguqukeni kwendlela ozizwa ngayo, ungabi nokukhuthazeka futhi uhlale uzizwa umincile.
Ukuzihlola masinyane
Uyazibuza ukuthi ixhala lakho alisalawuleki? Yenza lesi sivivinyo esisheshayo ukuzibona ukuthi uyisima kanjani. Akukho ukucindezeleka, yindlela elula nje yokuhlola ukuthi uzizwa kanjani.
Zihlole wena lapha >
THOLA USIZO
Xhumana manje nenombolo yamahhala yosizo ngenhlekelele ubusuku nemini ukuze uthole ukwesekwa nozwelo.
Uma wena noma othandiweyo wakho nithwele kanzima ngezinselele eziphathelene nempilo yengqondo, awudingi ukubhekana nalokho wedwa.
INombolo yakwa SADAG yosizo ngeNhlekelele Yokuzibulala
0800 567 567
